Այսօր Զվարթնոց միջազգային օդանավակայանի առցանց չվացուցակի տվյալները ցույց են տալիս, որ մի շարք միջազգային չվերթներ իրականացվում են ուշացումներով։

Ուշացումները վերաբերում են հատկապես Արաբական Միացյալ Էմիրություններ և Ռուսաստան ուղղություններին։ Ժամանակացույցից շեղումներ են արձանագրվել դեպի Աբու Դաբի և Դուբայ, ինչպես նաև Մոսկվա և Եկատերինբուրգ քաղաքներից իրականացվող թռիչքներում՝ ներառյալ նաև հակադարձ ուղղությունները։

Նախնական տեղեկությունների համաձայն՝ չվերթների ժամանակացույցի փոփոխությունները պայմանավորված են Իրանում ստեղծված իրավիճակով և դրա հետևանքով օդային երթուղիների վրա կիրառվող սահմանափակումներով, որոնք ազդում են տարածաշրջանային ավիահաղորդակցության վրա։