Իսրայելը փորձում է ներքաշել Պարսից ծոցի երկներին պատերազմի մեջ

Sun, 01 Mar 2026 21:52:22 +0400

Քաղաքական գիտությունների դոկտոր, պրոֆեսոր Վահե Դավթյանը գրում է. «Իսրայելը փորձում է ներքաշել Պարսից ծոցի երկներին պատերազմի մեջ:

Այսօր հայտնի դարձավ, որ Իսրայելը դիվանագիտական խողովակներով ԱՄԷ-ին առաջարկել է օգտվել ստեղծված իրավիճակից՝ գրավելով երեք վիճելի կղզիները՝ Աբու-Մուսան, Մեծ և Փորք Թունբը:

1971 թ.-ից ի վեր նշված կղզիները Իրանի ու ԱՄԷ-ի միջև տարածքային վեճի առարկա են հանդիսանում:

Կղզիների ռազմավարական նշանակությունը կայանում է նրանում, որ դրանք գտնվում են Հորմուզի նեղուցի մուտքի մոտ և, հետևաբար, թույլ են տալիս վերահսկել նավահանգիստներն ու Պարսից ծոց-Օմանի ծոց երթևեկության ուղիները:

Այս դիրքը թույլ է տալիս ոչ միայն հետևել և կառավարել լցանավերի ընթացքը, այլև անհրաժեշտության դեպքում գործարկել ճնշման ու ստրատեգիական ազդեցության լծակներ տարածաշրջանային ուժերի վրա:

Ու դա Իրանի զինանոցի առանցքային տարրերից է՝ Մերձավոր Արևելքում ամենամասշտաբային հրթիռային համակարգի հետ մեկտեղ»։