ԱՄՆ-ն հրատապ կարգով Իսրայելին կվաճառի 12,000 ռումբ
Sat, 07 Mar 2026 15:00:00 +0400
ԱՄՆ Պետքարտուղարությունը հայտարարել է Իսրայելին 12,000 BLU-110 ավիացիոն ռումբեր վաճառելու պայմանագրի հաստատման մասին։
Պետդեպի տվյալներով՝ պայմանագրի արժեքը կազմում է 151.8 միլիոն դոլար։
Պայմանագիրը ներառում է նաև ինժեներական, լոգիստիկ և տեխնիկական ծառայություններ, որոնք պետք է մատուցվեն ամերիկացի կապալառուների կողմից։
«Պետքարտուղար Մարկո Ռուբիոն որոշել և հիմնավորել է արտակարգ իրավիճակ, որը պահանջում է վերոնշյալ պաշտպանական ապրանքների և ծառայությունների անհապաղ վաճառքը Իսրայելի կառավարությանը՝ Միացյալ Նահանգների ազգային անվտանգության շահերից ելնելով», – ասվում է Պետդեպի հայտարարության մեջ։