Պետք է համախմբվել. կոչ՝ բժիշկներին

Պետք է համախմբվել. կոչ՝ բժիշկներին

Mon, 09 Mar 2026 14:30:53 +0400


Բժիշկ Գևորգ Գրիգորյանը անդրադարձել է առաջնային բուժօգնության համակարգում աշխատող բժիշկների վարձատրության հարցին՝ նշելով, որ ոլորտի աշխատակիցներին մոլորեցնող խոստումներ են տրվում։

Նրա խոսքով՝ առողջության առաջնային պահպանման օղակում աշխատող բժիշկներին վստահեցվում է, թե նրանց աշխատավարձերը վերանայվելու են, սակայն իրականում գործող կարգավորումները այլ պատկեր են ցույց տալիս։ Գրիգորյանը նշում է, որ սահմանված կարգը, որը, ըստ նրա, հասանելի չէ պոլիկլինիկաներում աշխատող բժիշկներին, փոփոխություններ է նախատեսում նեղ մասնագետների վարձատրության համակարգում։

Նրա փոխանցմամբ՝ նոր կարգով ապահովագրված անձանց համար այլևս չի հաշվարկվում «Per Capita» վճարման մեխանիզմը։ Այս սկզբունքը պահպանվել է միայն չապահովագրված կցագրված անձանց համար, սակայն նախատեսվում է, որ այն նույնպես կդադարեցվի հաջորդ տարի, քանի որ խոստացվել է ապահովագրական համակարգի մեջ ներառել բոլոր քաղաքացիներին։

Գրիգորյանի խոսքով՝ մարտ ամսին բուժաշխատողները կստանան աշխատավարձ, որի մեջ ներառված կլինի նաև հունվար ամսվա այն գումարը, որը մինչ այդ չի վճարվել, թեև օրենքով ենթակա էր վճարման։ Նրա գնահատմամբ՝ այդ գումարը պետք է հաշվարկվի այն կարգով, որը գործում էր մինչև ապահովագրական համակարգի ներդրումը, քանի որ նոր վճարման կարգը ընդունվել է միայն փետրվարին և չի կարող ունենալ հետադարձ ուժ։

Բժիշկը նաև նշում է, որ մարտին ստացված որոշակի հավելյալ գումարը չի նշանակում, որ աշխատավարձերի բարձրացում է տեղի ունեցել։ Նրա կանխատեսմամբ՝ արդեն ապրիլին բժիշկները կրկին կարող են ստանալ զգալիորեն փոքր վճարումներ։

Գրիգորյանը նաև ուշադրություն է հրավիրում բուժհաստատություններում առկա մթնոլորտի վրա՝ նշելով, որ տարբեր բուժկենտրոններում բուժաշխատողների նկատմամբ կիրառվող ճնշումները նպաստում են վախի մթնոլորտի ձևավորմանը։ Նրա կարծիքով՝ այդ պայմաններում բժիշկների դժգոհությունը հաճախ լռեցվում է վարչական մեխանիզմներով, քանի որ շատերը չեն ցանկանում առաջինը բարձրաձայնել խնդիրների մասին։

Վերջում նա կոչ է անում ոլորտի աշխատակիցներին համախմբվել և միասին բարձրաձայնել իրենց խնդիրները՝ ընդգծելով, որ միասնական դիրքորոշումը կարող է օգնել պաշտպանել թե՛ իրենց, թե՛ գործընկերների շահերը։

© 2026 Secure News Portal

Source: Hraparak

Hraparak.am

Recent Posts

Թուրքիան ակտիվորեն բանակցում է

Թուրքիան ակտիվորեն բանակցում է Tue, 17 Nov 2026 19:00:06 +0400 Թուրքիան ակտիվ բանակցություններ է վարում…

9 րոպե ago

Կալանավորված Հայաստանին փոխարինելու է գալիս ուժեղ Հայաստանը․ Միրզոյանը՝ փաշինյանական իշխանությանը

Կալանավորված Հայաստանին փոխարինելու է գալիս ուժեղ Հայաստանը․ Միրզոյանը՝ փաշինյանական իշխանությանը Tue, 17 Nov 2026 18:56:29…

12 րոպե ago

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին Tue, 17 Nov…

17 րոպե ago

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին

Թրամփը չի բացառել Չինաստանում Կիմ Չեն Ընի հետ հանդիպումը․ նոր առաջարկ Պեկինին Tue, 17 Nov…

17 րոպե ago

Ալ Կապոնե, կամ՝ ինչպես են հայերը հաղթահարում քրեական ենթամշակույթը

Ալ Կապոնե, կամ՝ ինչպես են հայերը հաղթահարում քրեական ենթամշակույթը Tue, 17 Nov 2026 18:45:09 +0400…

24 րոպե ago

Գյումրու ավագանին մերժեց ՔՊ-ի ներկայացրած նախագիծը

Գյումրու ավագանին մերժեց ՔՊ-ի ներկայացրած նախագիծը Tue, 17 Nov 2026 18:33:19 +0400 Այսօր Գյումրու ավագանին…

36 րոպե ago