Մարսի վրա նոր միներալ են հայտնաբերել․ ինչ է այն իրենից ներկայացնում
Wed, 11 Mar 2026 20:30:42 +0400
Գիտնականները Մարս մոլորակի վրա անսովոր երկաթի սուլֆատ են հայտնաբերել։ Մասնագետները կարծում են, որ այն գիտական շրջանակների համար ցայժմ անհայտ միներալ է։ Միացությունը հայտնաբերվել է հին սուլֆատային նստվածքներում, Մարսյան Մարիների հովտի կանյոնային համակարգում։ Կարծվում է, որ միներալը ձեւավորվել է հին ժամանակներում Մարսի վրա եղած ջրի մասնակցությամբ, ապա՝ ձեւափոխվել է գեոթերմալ կամ հրաբխային ջերմության ազդեցությամբ։ Այս մասին հայտնում է Science Daily պարբերականը։ Մասնագետները այն վանել են ֆերիկային հիդրօքսիսուլֆատ։ Այն ունի եզակի բյուրեղային կառուցվածք։ Երկիր մոլորակի վրա այն սովորաբար չի հանդիպում։
Նշենք, որ ծծումբը տարածված տարր է Մարսում եւ հաճախ է ձեւավորում սուլֆատային միներալներ։ Ի տարբերություն մեր մոլորակի, որտեղ նման միացությունները արագ լուծվում են ջրի ազդեցությամբ, մարսյան չոր միջավայրում դրանք կարող են պահպանվել միլիարդավոր տարիներ եւ դրա շնորհիվ կարող են այդ մոլորակի հին դարաշրջանների պայմանների մասին հետաքրքիր «արխիվային նյութեր» պարունակել։