«Հրապարակ»․ Իր խոստումները նման են 3-րդ դասարանում գրած բանաստեղծություններին

«Հրապարակ»․ Իր խոստումները նման են 3-րդ դասարանում գրած բանաստեղծություններին

Fri, 13 Mar 2026 10:15:10 +0400


Մարտի 11-ին Եվրոպական խորհրդարանում Նիկոլ Փաշինյանը հայտարարել է. «Մեր կարեւոր խնդիրներից է այն, որ փախստական դարձած ղարաբաղցի մեր քույրերի եւ եղբայրների էմոցիաները չշահարկվեն՝ նրանց սին հույսեր տալով: Մեր ռազմավարությունն այս հարցում շատ հստակ է. ղարաբաղցի մեր քույրերն ու եղբայրները պետք է ստանան ՀՀ քաղաքացիություն եւ առհավետ տնավորվեն Հայաստանի Հանրապետությունում։ Մենք արդեն սկսել ենք նրանց բնակավորման ծրագիրը, որի շահառու են դարձել 4 հազար 886 ընտանիքներ…»։ Ապա կրկին շնորհակալություն է հայտնել Ալիեւին, ասել, որ պատրաստ է Ադրբեջանին հումանիտար միջանցք տրամադրել՝ Նախիջեւանի հետ կապվելու համար:

Արցախի նախկին ՄԻՊ Արտակ Բեգլարյանին խնդրեցինք մեկնաբանել այս հայտարարությունը: Նա ասաց. «Նիկոլ Փաշինյանի ասածը մեզ համար նորություն չէ: Այն կոչվում է մեղսակցություն միջազգային հանցագործությանը: Փաշինյանն այս հայտարարություններով աջակցում է Ադրբեջանի ցեղասպանական քաղաքականությանը, չհաշված նրան, որ նա, որպես երկրի ղեկավար, ունի հստակ պարտականություն՝ մարդկանց իրավունքները պաշտպանելու: Մարդկանց շարքերում են նաեւ փախստականները: Առանց մեր վերադարձի հարցը քննարկելու չի կարող որեւէ խաղաղության հարց քննարկվել, ոչ միայն այդ հարցում, այլեւ շատ այլ հարցեր կան, որոնք չի կարելի կոծկել: Օրինակ` հայատյացության հարցը, Արցախում հայկական ժառանգությունը վտանգի տակ է, վանդալիզմի վառ դրսեւորումներ կան: Ջայլամի նման գլուխն ավազի մեջ մտցնելով՝ չի կարելի ասել` խաղաղություն է եւ հետայսու խաղաղություն է լինելու: Արցախցիների վերադարձի հարցը հաճախ համեմատում են ադրբեջանցիների վերադարձի հետ, սակայն այդտեղ չկան համեմատության եզրեր, այդ համեմատությունը սխալ է: Բոլոր հիմնական չափանիշներով տարբերություններն էական են: Նիկոլ Փաշինյանը 2021-ի իր նախընտրական ծրագրում Արցախի դեօկուպացիա էր խոստացել ընտրողներին, սակայն նրա խոստումները նման են երրորդ դասարանում գրված իր բանաստեղծություններին, կասի` բան է, ասել եմ: Այդ մարդը վաղուց իր բոլոր խոստումները սկզբունքորեն խախտել է: Նա այն գործիչը չէ, որի խոսքերը պետք է հղում անենք, իսկ նա դրանից իրեն վատ զգա»:

© 2026 Secure News Portal

Source: Hraparak

Hraparak.am

Recent Posts

Դժգոհել է ինտերնետի արագությունից

Դժգոհել է ինտերնետի արագությունից Sun, 15 Nov 2026 23:45:23 +0400 Ուկրաինայի նախագահ Վլադիմիր Զելենսկին հայտարարել…

5 ժամ ago

Ասել է, թե ինչու է վերադարձել մեծ ֆուտբոլ

Ասել է, թե ինչու է վերադարձել մեծ ֆուտբոլ Sun, 15 Nov 2026 23:30:29 +0400 Բրազիլիայի…

5 ժամ ago

Քո հիշատակին հավատարիմ՝ շարունակելու ենք մեր սկսած ճանապարհը, մե՛ր լավ ընկեր

Քո հիշատակին հավատարիմ՝ շարունակելու ենք մեր սկսած ճանապարհը, մե՛ր լավ ընկեր Sun, 15 Nov 2026…

5 ժամ ago

Հետո չասեք՝ չի ասել․․․ Տաթևիկ Հայրապետյան

Հետո չասեք՝ չի ասել․․․ Տաթևիկ Հայրապետյան Sun, 15 Nov 2026 23:13:10 +0400 Ադրբեջանագետ Տաթևիկ Հայրապետյանի…

5 ժամ ago

Մելիքյանը՝ Լատվիայի հետ խաղի մասին

Մելիքյանը՝ Լատվիայի հետ խաղի մասին Sun, 15 Nov 2026 23:10:12 +0400 ՈւԵՖԱ-ի Ազգերի լիգայի խաղարկության…

5 ժամ ago

Ավելի քան 1500 տարվա պալատական համալիր են հայտնաբերել

Ավելի քան 1500 տարվա պալատական համալիր են հայտնաբերել Sun, 15 Nov 2026 23:04:40 +0400 Վրաստանում…

6 ժամ ago