Փաշինյանի այցելությունից հետո ինձ հեռացրին
Fri, 13 Mar 2026 12:39:39 +0400
Երևանում շարունակվում են բողոքի ակցիաները՝ հաջակցություն «Ուժեղ Հայաստան» կուսակցության առաջնորդ Սամվել Կարապետյանի։ Կառավարության շենքի մոտ անցկացված ակցիայի ընթացքում կուսակցության ներկայացուցիչներից Անուշ Վարդանյանը նշել է, որ երկար տարիներ ծառայել է Արարատյան Հայրապետական թեմում։ Նրա խոսքով՝ այնտեղ աշխատել է շուրջ 13 տարի, սակայն հետագայում հեռացվել է աշխատանքից։
Վարդանյանը պնդել է, որ իր հեռացման պատճառը կապված է եղել քաղաքական իրադարձությունների հետ։ Նրա խոսքով՝ երբ վարչապետ Նիկոլ Փաշինյանը այցելել է Սուրբ Սարգիս եկեղեցի և պահանջել է հանել Վեհափառի անունը, ինքը և մի խումբ երիտասարդներ հրաժարվել են կատարել այդ պահանջը, ինչից հետո իրեն հեռացրել են թեմից։
Նա նաև նշել է, որ ներկայումս աջակցում է Սամվել Կարապետյանին, քանի որ, ըստ նրա, Կարապետյանը հայտարարել է, որ կանգնած է եկեղեցու կողքին և պաշտպանելու է եկեղեցու դիրքերը։