Թուրքիայում տագնապ է․ իրանական հրթի՞ռ են խոցել

Fri, 13 Mar 2026 13:30:17 +0400

Թուրքական լրատվամիջոցների փոխանցմամբ՝ Թուրքիայի ՀՕՊ ուժերը երեկ երեկոյան ոչնչացրել են Իրանից Թուրքիայի օդային տարածքում արձակված երրորդ հրթիռը։

Նաև հաղորդվել է, որ Ինջիրլիքի ավիաբազայում հայտարարվել է տագնապի ռեժիմ, իսկ Բաթմանի օդանավակայանի տարածքից լսվել են շչակների ձայներ, ինչը խուճապ է առաջացրել Բաթմանի և Ադանայի բնակիչների շրջանում։

Միևնույն ժամանակ, սոցիալական ցանցերում տարածվում են Ինջիրլիքի ավիաբազայի վրայով բալիստիկ հրթիռի տեսանյութեր։ Կադրերում երևում է երկնքում շարժվող լուսարձակող օբյեկտ։ Լրատվամիջոցները նշում են, որ սոցիալական ցանցերում շրջանառվող կադրերում երևում է ոչ թե հրթիռի որսալու դրվագը, այլ դրա բեկորների այրումը։

Sözcü-ի փոխանցմամբ՝ ավիաբազա է ժամանել թուրք գեներալ։
Այս ֆոնին, Թուրքիայի ազգային պաշտպանության նախարարության կողմից սոցիալական ցանցերում նախորդ օրը հրապարակված լուսանկարը գրավել է ուշադրությունը՝ «Ինջիրլիքը թուրքական ավիաբազա է»։

Այս պնդումներից ոչ մեկը դեռևս պաշտոնական մարմինների կողմից չի հաստատվել։