Ֆրանսիացի զինվորական է զոհվել․ Մակրոնը ցավակցել է
Fri, 13 Mar 2026 22:30:51 +0400
Իրաքյան Քուրդիստանի Էրբիլի շրջանում գտնվող ռազմական բազայի վրա իրանական հարձակման հետեւանքով զոհվել է ֆրանսիացի զինվորական Արնո Ֆրիոնը՝ Ալպյան 7-րդ հրաձգային գումարտակից։ Այս մասին հայտարարել է Ֆրանսիայի նախագահ Էմանուել Մակրոնը՝ սոցկայքի իր էջում։
Նա ցավակցել է զոհված ֆրանսիացի զինվորականի ընտանիքին եւ մարտական ընկերներին, շնորհակալություն հայտնելով նաեւ ֆրանսիացիներին՝ համերաշխության եւ միասնականության համար։ Ֆրանսիայի նախագահը վերստին հայտարարել է, որ ֆրանսիական զորախումբը Իրաքում է բացառապես ահաբեկչության դեմ պայքարելու համար եւ ներկայիս Իրանական հակամարտությունը չի կարող արդարացում լինել նման հարձակման համար։