Ինչպես են ակերը տրաքում Երևանի փոսերից
Mon, 16 Mar 2026 14:30:32 +0400
Երևանի ավագանու «Մայր Հայաստան» խմբակցության անդամ Մեսրոպ Մանուկյանը տեսանյութ է հրապարակել՝ պնդելով, որ քաղաքում ճանապարհների վիճակը անընդունելի է։ Նա նշել է, որ նման պատկեր առաջանում է, երբ քաղաքում, իր խոսքով, անտերություն է տիրում։
Մանուկյանը դիմել է նաև վարչապետ Նկոլ Փաշինյանին և Երևանի քաղաքապետ Տիգրան Ավինյանին՝ քննադատելով կենտրոնական փողոցների ենթակառուցվածքների վիճակը։
«Տիկ, ապեր կարո՞ղ է այս ճանապարհը քանդողը ձեր ՔՊ-ականներից է կամ ձեր հետ սիլի-բիլի լինողներից է : Լավ, ձեր ավտոբուսի միջի տուգանողների գործի անունը մենակ մարդկանց տուգանելն է, թե՞ նաև սրանք արձանգրելն ու չթողնելն է, եթե իհարկե հերթական ձեր հետ աֆիլացվողներից չեն:
Նիկոլ Փաշինյան, Ձեր համար նորմա՞լ է , որ կարող են Երևանի կենտրոնական փողոցներն ով ուզի քանդի ու քաղաքացիները հայտնվեն այս վիճակի մեջ:Երևանի քաղաքապետարանի տղերքը զբաղված են «հարսանիքի» նախապատրաստական գործերով: Միայն այս տեսանյություն 8 մեքենա տրաքացրել են անվադողերը»,- նշել է նա: