Դպրոցի ռմբակոծությունը Թեհրանի ուշադրության կենտրոնում է

Mon, 16 Mar 2026 18:30:44 +0400

Թեհրանը մշտապես կապի մեջ է միջազգային հաստատությունների հետ՝ իրանական դպրոցին հասցված հարվածի առնչությամբ միջազգային դատական գործ սկսելու հարցով։ Այս մասին հայտարարել է Ռուսաստանում Իրանի դեսպան Քյազեմ Ջալալին, ինչպես հայտնում է РИА Новости լրատվական գործակալությունը։

«Ինչ վերաբերում է դատական հայցին, ապա մեր ԱԳ նախարարը մշտական գրագրության մեջ է միջազգային ինստիտուտների հետ։ Սակայն մենք մեծ հույսեր չունենք, քանի որ միջազգային համայնք ասված այլեւս չի մնացել։ Միջազգային նորմեր հիմա պարզապես գոյություն չունեն»,- ասել է իրանցի բարձրաստիճան դիվանագետը։