Նորանկախ Հայաստանի առաջին եկեղեցու կառուցման մեկնարկը Կարապետյան եղբայրները տվեցին դեռ 90-ականներին
Mon, 16 Mar 2026 22:08:31 +0400
Նորանկախ Հայաստանի առաջին եկեղեցին Տաշիր քաղաքի մայր եկեղեցին է, որի կառուցման մեկնարկը Սամվել եւ Կարեն Կարապետյան եղբայրները տվեցին դեռ հեռավոր 90-ականներին։
1995 թվականի ամռանը եկեղեցու հիմնարկեքի օրհնության կարգը կատարեց Ամենայն հայոց Հայրապետ Գարեգին Առաջինը։ Տաշիրի Սուրբ Սարգիս եկեղեցին օծվեց Գարեգին Բ Ամենայն Հայոց Կաթողիկոսի ձեռամբ 2000 թվականի աշնանը։
5 տարի տևած բարդ և ծավալուն շինարարությունն առաջին հերթին ժողովրդի հավատի ու Հայ Առաքելական եկեղեցու հոգևոր արժեքների վերականգնում էր։ Ու պատահական չէ, որ այսօր էլ ազգային բարերարը եկեղեցու կողքին է ու անազատության մեջ հենց եկեղեցուն սատարելու համար։