«Վատ կանխազգացում» ունի
Wed, 18 Mar 2026 15:00:37 +0400
Մերձավոր Արևելքում պատերազմը «վատ կանխազգացողություն» է առաջացնում, ասել է Ուկրաինայի նախագահ Վլադիմիր Զելենսկին։
«Ես շատ վատ կանխազգացողություն ունեմ այս պատերազմի՝ Ուկրաինայի իրավիճակի վրա ազդեցության վերաբերյալ։ Ամերիկայի ուշադրությունն ավելի շատ Մերձավոր Արևելքի վրա է, քան Ուկրաինայի, ցավոք։
Ահա թե ինչու եք տեսնում, որ մեր դիվանագիտական հանդիպումները, եռակողմ հանդիպումները անընդհատ հետաձգվում են։ Եվ դրա համար կա մեկ պատճառ՝ պատերազմը Իրանում», – ասել է Զելենսկին BBC-ի հաղորդավարուհի Լորա Քուենսբերգի հետ հարցազրույցում։
Ըստ նրա՝ վերջին օրերին ԱՄՆ նախագահը կենտրոնացած է եղել Իրանի վրա, բայց ուկրաինական, ամերիկյան և ռուսական բանակցային թիմերը շարունակում են շփվել։ «Մեր խումբը ամեն օր խոսում է ամերիկյան կողմի հետ։ Գիտեմ, որ ամերիկացիները նույնպես ամեն օր խոսում են ռուսների հետ», – հավելել է Զելենսկին։
Այնուամենայնիվ, հաջորդ հանդիպումը դեռևս հարցականի տակ է, քանի որ ռուսական կողմը, ըստ Զելենսկու, դեմ է ԱՄՆ-ի կողմից դրա անցկացմանը։ «Ուկրաինան կաջակցի ցանկացած ամսաթվի և ցանկացած վայրի, բայց, իհարկե, ոչ Ռուսաստանում», – հավելել է Զելենսկին։
Ռուսաստանի, Ուկրաինայի և Միացյալ Նահանգների միջև եռակողմ բանակցությունների վերջին փուլը տեղի է ունեցել Ժնևում՝ փետրվարի 17-18-ին: Հաջորդ հանդիպումը սպասվում էր մարտի սկզբին Աբու Դաբիում, սակայն փետրվարի 28-ին Միացյալ Նահանգները և Իսրայելը պատերազմ սկսեցին Իրանի դեմ, որը տարածվեց նաև Պարսից ծոցի երկրներում: