Հորմուզի նեղուցին այլընտրանք են գտել
Thu, 19 Mar 2026 18:00:44 +0400
Իրանի կողմից Հորմուզի նեղուցով էներգակիրների արտահանման արգելքի ֆոնին, որն առաջացրել է գլոբալ էներգետիկ ճգնաժամ, Թուրքիան հայտարարել է, որ գտել է այլընտրանք։ Մասնավորապես, ըստ Թուրքիայի Էներգետիկայի նախարար Ալփարսլան Բայրաքթարի, խոսքը Թուրքիան Իրաքի հետ՝ մինչեւ Բասրա քաղաքը կապող խողովակաշարի մասին է։ 1976 թվականից գործող նավթամուղը ունի 970 կմ երկարություն, որը կապում է նավթով հարուստ Քիրկուկը թուրքական Ջեյխան նավահանգստային քաղաքի հետ։ Սակայն ներկայումս այս նավթամուղի միայն մեկ ճյուղն է գործում, որը նավթ է փոխադրում Իրաքյան Քուրդիստանից Թուրքիա։
Հիմնական Քիրկուկ-Ջեյխան նավթամուղը չի գործում 2014 թվականի ԻՊ հարձակումից հետո։ Արդեն հնչել են հայտարարություններ, որ նավթամուղը կարող է գործել հաջորդ շաբաթվանից եւ վերականգնված է։ Նավթամուղի թողունակությունը օրական 1,5 միլիոն բարել է։ Այն կարող է որոշ չափով դառնալ այլընտրանքային լուծում, մինչ Հորմուզի ճգնաժամը կկարգավորվի։