«Դա տղամարդկային պատվից զուրկ մարդու պահվածք է»
Wed, 25 Mar 2026 12:39:55 +0400
Հայաստանի նախկին օմբուդսմեն, «Միասնության թևեր» քաղաքական նախաձեռնության ղեկավար Արման Թաթոյանը անդրադարձել է մետրոյում տեղի ունեցած հայտնի միջադեպին և դրան հաջորդած զարգացումներին՝ խիստ գնահատականներ հնչեցնելով վարչապետ Նիկոլ Փաշինյանի վարքագծի վերաբերյալ։
Մարտի 24-ին կայացած մամուլի ասուլիսի ընթացքում նա հայտարարել է, որ վարչապետի պահվածքը չի համապատասխանում քաղաքական առաջնորդին՝ ընդգծելով, որ ստեղծված իրավիճակում վերջինս, իր գնահատմամբ, չի դրսևորել պատշաճ վերաբերմունք։ Թաթոյանը նշել է, որ միջադեպի ընթացքում և դրանից հետո արձանագրված գործողությունները, իր կարծիքով, անընդունելի են եղել։
«Միջադեպի ժամանակ և դրանից հետո այդ պահվածքը տղամարդկային պատվից զուրկ մարդու պահվածք է»,- ասել է նա:
Նա նաև անդրադարձել է վարչապետի ներողությանը՝ նշելով, որ, իր համոզմամբ, նման հայտարարությունները չեն կարող փոխել ստեղծված տպավորությունը՝ անկախ նրանից՝ դրանք անկեղծ են, թե ոչ։