Պատերազմից 52 օր անց․ Իրանը վերսկսում է քաղաքացիական չվերթները
Tue, 21 Apr 2026 01:00:59 +0400
Իրանի քաղաքացիական ավիացիայի կազմակերպությունը հայտարարել է Թեհրանի Իմամ Խոմեյնիի և Մեհրաբադ օդանավակայաններում ուղևորատար չվերթների վերսկսման մասին։
Կազմակերպության հայտարարության մեջ նշվում է, որ երկու օդանավակայաններում էլ թռիչքները թույլատրվել են համակարգված ջանքերից հետո։
Նաև հաղորդվում է, որ Ուրմիայի, Քերմանշահի, Աբադանի, Շիրազի, Քերմանի, Ռեշտի, Յազդի, Զահեդանի, Գորգանի և Բիրդանդի օդանավակայաններում ուղևորատար չվերթները կվերսկսվեն ապրիլի 25-ից։
Նշենք, որ Իրանում բոլոր չվերթները դադարեցվել էին պատերազմի սկսվելուց հետո՝ փետրվարի 28-ին։ Հակամարտության սկսվելուց հիսուներկու օր անց նախատեսվում է օդային երթևեկության փուլային վերականգնում։