Թուրքական ինքնաթիռները մնացել են Իրանում․ ի՞նչ է եղել
Thu, 26 Mar 2026 15:00:11 +0400
Թուրքական երկու ուղևորատար ինքնաթիռներ մնում են Իրանում, հայտնել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլում։
Նրա խոսքով, պատերազմի սկսվելու պահին Իրանում գտնվող երկու ինքնաթիռների անձնակազմերը տարհանվել են Թուրքիա, մեկ այլ ուղևորատար ինքնաթիռ սպասում է թռիչքի՝ Իրաքում։
«Մեր ինքնաթիռներից երկուսը Իրանում են, մեկը՝ Իրաքում։ Երբ պատերազմը սկսվեց, ինքնաթիռները մնացին այնտեղ, և դրանց անձնակազմերը տեղափոխվեցին Թուրքիա։ Պատերազմի ավարտից հետո ինքնաթիռները կվերադարձվեն Թուրքիա», – հայտարարել է Ուրալօղլուն։