Պակիստան-Աֆղանստան կոնֆլիկտը սրվել է․ զոհեր կան
Fri, 27 Mar 2026 16:30:53 +0400
Պակիստանի և Աֆղանստանի սահմանին վերսկսվել են մարտական գործողությունները։ Այս մասին գրում է Associated Press-ը՝ հղում անելով աֆղանական իշխանություններին։
Հաղորդվել է առնվազն երեք զոհի մասին։
Մարտի 18-ին Պակիստանը հայտարարեց, որ ժամանակավորապես դադարեցնում է Աֆղանստանի դեմ ռազմական գործողությունները Իդ ալ-Ֆիթր իսլամական տոնի ժամանակ։
Նույն օրը Աֆղանստանը նույնպես հայտարարեց հրադադարի մասին։ Հրադադարը ուժի մեջ է մտել մարտի 19-ի կեսգիշերից մինչև մարտի 24-ի կեսգիշերը։
Ըստ AP-ի, հրադադարի ավարտից հետո պակիստանյան ուժերը մի քանի տասնյակ արկեր են արձակել Նարայի և Սունարոյի աֆղանական շրջանների վրա։ Հաղորդվում է, որ երկու քաղաքացիական անձ զոհվել է, ևս ութը՝ վիրավորվել։
Աֆղանական ուժերը պատասխան կրակ են բացել՝ սպանելով առնվազն մեկ մարդու։