Թուրքիան կրկին մեղադրում է՝ Իրանից հարձակում է եղել
Tue, 31 Mar 2026 00:45:21 +0400
Թուրքիայի ազգային պաշտպանության նախարարությունը հայտարարել է Իրանից արձակված զինամթերքի չեզոքացման մասին։
«Բալիստիկ զինամթերքը, որը, ինչպես պարզվել է, արձակվել է Իրանից և մտել է Թուրքիայի օդային տարածք, չեզոքացվել է Արևելյան Միջերկրական ծովում տեղակայված ՆԱՏՕ-ի օդային և հրթիռային պաշտպանության ուժերի կողմից», – ասվում է նախարարության հայտարարության մեջ։
Թուրքիան վերջին շրջանում բազմիցս մեղադրել է Թեհրանին՝ իբր իր տարածքում իրանական հրթիռներ և ԱԹՍ-ներ հայտնաբերելու պատճառով։
Թեհրանը կտրականապես հերքում է մեղադրանքները։