Թրամփը պատրաստ է դադարեցնել պատերազմը Իրանի դեմ, բայց․․
Tue, 31 Mar 2026 11:00:26 +0400
ԱՄՆ նախագահ Դոնալդ Թրամփն իր օգնականներին հայտնել է, որ պատրաստ է դադարեցնել Իրանի դեմ ռազմական գործողությունը, նույնիսկ եթե Հորմուզի նեղուցը մեծ մասամբ փակ մնա։ Այս մասին հայտնում է The Wall Street Journal-ը՝ հղում անելով Սպիտակ տան պաշտոնյաներին։
Ըստ պարբերականի տվյալների՝ վերջին օրերին ամերիկյան վարչակազմը եկել է այն եզրակացության, որ նեղուցի լիակատար ապաշրջափակման փորձը կարող է զգալիորեն երկարաձգել հակամարտությունը՝ դուրս գալով ի սկզբանե նախատեսված 4–6 շաբաթվա սահմաններից։
Ուստի Վաշինգտոնը մտադիր է կենտրոնանալ գործողության հիմնական խնդիրների վրա՝ Իրանի ռազմածովային պոտենցիալի թուլացում, Իրանի հրթիռային հնարավորությունների կրճատում և մարտական գործողությունների ակտիվ փուլի ավարտ՝ հետագայում նավագնացության ազատությունը վերականգնելու համար դիվանագիտական ճնշումն ուժեղացնելու պայմանով։
Ինչպես նշում է WSJ-ն, հակամարտության ավարտը առանց նեղուցի բացման կարող է հանգեցնել այս ռազմավարական երթուղու նկատմամբ Իրանի վերահսկողության ուժեղացմանը, իսկ այն ապաշրջափակելու բարդ գործողությունը կհետաձգվի։