Անհապաղ դադարեցնել պատերազմը․ Պեկինի և Իսլամադի խաղաղության ծրագիրը
Wed, 01 Apr 2026 04:30:56 +0400
Չինաստանը և Պակիստանը հինգ կետից բաղկացած խաղաղության նախաձեռնություն են սկսել՝ ի պատասխան Մերձավոր Արևելքում շարունակվող պատերազմի։
Պակիստանի արտաքին գործերի նախարարության տվյալներով՝ նախաձեռնությունը ներկայացվել է Պակիստանի արտաքին գործերի նախարար Իսհակ Դարի և նրա չինացի գործընկեր Վան Իի միջև Պեկինում կայացած հանդիպումից հետո։
Նախաձեռնության տեքստը հետևյալն է.
— Չինաստանը և Պակիստանը կոչ են անում անհապաղ դադարեցնել պատերազմը և կանխել դրա հետագա սրումը։
— Խաղաղության բանակցությունները պետք է սկսվեն հնարավորինս շուտ՝ հաշվի առնելով Իրանի, ինչպես նաև Պարսից ծոցի երկրների ինքնիշխանությունն ու անվտանգությունը։ Չինաստանը և Պակիստանը պատրաստ են աջակցել այս բանակցությունները նախաձեռնող բոլոր կողմերին։
— Ոչ ռազմական թիրախների և քաղաքացիական ենթակառուցվածքների վրա հարձակումները պետք է դադարեցվեն։
— Հորմուզի նեղուցում նավագնացության ուղիների անվտանգությունը պետք է ապահովվի։ Չինաստանը և Պակիստանը կոչ են անում բոլոր կողմերին երաշխավորել նեղուցում նավերի անձնակազմի անվտանգությունը և վերականգնել դրանով ազատ նավարկությունը։
— Անհրաժեշտ է համաձայնության գալ ՄԱԿ-ի կանոնադրության հիման վրա համապարփակ խաղաղության մեխանիզմ ստեղծելու վերաբերյալ։