Թագավորը հրաժարվել է վարչապետի հետ հանդիպել
Wed, 01 Apr 2026 05:30:46 +0400
Հորդանանի Աբդալլահ 2-րդ թագավորը հրաժարվել է հանդիպել Իսրայելի վարչապետ Բենիամին Նեթանյահուի հետ։ Այս մասին հայտնում է Kan պետական ՀՌԸ-ն։ Համաձայն տեղեկությունների, Նեթանյահուի գրասենյակը դիմել է Ամման՝ Հորդանանի թագավորի հետ հանդիպելու խնդրանքով։ Ընդ որում, դիմումն արվել է նախքան Իրանական ներկայիս էսկալացիան։ Հանդիպման նպատակը եղել է այն, որ Միացյալ Նահանգների համար պարզ լինի, որ Իսրայելն ու Հորդանանը լավ հարաբերություններում են գտնվում Գազայի սեկտորում հաստատված հրադադարից հետո։
Ի պատասխան սակայն, Հորդանանից պահանջել են մի շարք հարցերի եւ խնդիրների առնչությամբ բացատրություններ ներկայացնել, այդ թվում նաեւ՝ պաղեստինյան պետության ստեղծման հեռանկարների, Գազայի սեկտորից պաղեստինցիների հնարավոր արտաքսման, Երուսաղեմի Ալ-Աքսա մզկիթի նկատմամբ հավատացյալների հասանելիության ապահովման, Հորդանանի արեւմտյան ափին հրեա վերաբնակիչների կողմից իրականացվող բռնությունների եւ այլնի վերաբերյալ։ Պատասխանները, որոնք ներկայացվել են Իսրայելի կողմից, չեն գոհացրել Հորդանանին եւ որոշում է կայացվել, որ Նեթանյահուի հետ հանդիպում չի կայանա, որպեսզի Իսրայելի վարչապետը չկարողանա այդ հանդիպումն իր շահերին ծառայեցնել։