Իրանի նախկին նախագահի կոչը՝ արժանապատվորեն ավարտենք պատերազմը
Thu, 02 Apr 2026 11:00:39 +0400
Իրանի նախկին նախագահ Հասան Ռոհանին կոչ է արել քաղաքականության բարեփոխումների և նշել, որ Իրանը պետք է պատրաստվի պատերազմի արժանապատիվ ավարտին՝ շարունակելով իր դիմադրությունը։
«Հերոսական դիմադրության հետ մեկտեղ, մենք պետք է պատրաստ լինենք պատերազմն արժանապատվորեն ավարտել՝ երկրի և ժողովրդի շահերից ելնելով», – ասել է նա։
Դիմելով Ազգային անվտանգության գերագույն խորհրդին, նա նշել է, որ խորհուրդը պետք է անհապաղ իր իրավական որոշումների կայացման գործընթացում ներառի պատերազմը շարունակելու կամ ավարտելու տարբեր սցենարներ։
«Երկիրը և համակարգը պահպանելու համար անհրաժեշտ են քաղաքականության մշակման անհապաղ հիմնարար բարեփոխումներ. ժողովուրդը հստակորեն արտահայտել է իր դիրքորոշումը իշխանություններին», – ասել է նա։
Ռոհանին նաև խոսել է Պարսից ծոցի կղզիների վրա հարձակումները կանխելու և Հորմուզի նեղուցի վրա վերահսկողությունը պահպանելու համար ազգային ռեսուրսները համակարգելու անհրաժեշտության մասին։