Սպառնացել է սպանել նախագահին
Thu, 02 Apr 2026 20:00:22 +0400
Միացյալ Նահանգներում Հետաքննությունների դաշնային բյուրոն ձերբակալել է Մասաչուսեթս նահանգի բնակիչ Էնդրյու Էմերալդին, ով մի քանի տարի շարունակ սոցկայքերում հրապարակել է սպառնալիքներ նախագահ Դոնալդ Թրամփի հասցեին՝ սպառնալով սպանել նրան՝ սրախողխող անելով։ Համաձայն նահանգի դատախազության հրապարակած տվյալների, տղամարդը ձերբակալման պահին իր մոտ ունեցել է սառը զենքի մի ամբողջ զինանոց։ Ձերբակալման ժամանակ՝ ՀԴԲ գործակալների առաջ դուրս է եկել ծանր մետաղյա թրով։ Գրառումներից մեկում Էմերալդը հայտնել է, որ մտադիր է գնալ Վաշինգտոն, որպեսզի նախագահ Թրամփին սրախողխող անի։ Այդ գրառումից հետո էլ ՀԴԲ գործակալները նրան վնասազերծման գործողություն են իրականացրել։