Ըստ Դուրովի՝ Telegram-ն արգելափակելով՝ ՌԴ-ն կրկնում է Իրանի սխալը
Sat, 04 Apr 2026 14:00:16 +0400
Telegram-ի հիմնադիր Պավել Դուրովը մեկնաբանել է Ռուսաստանում մեսենջերի արգելափակումը։ Նա նշել է, որ հավելվածը կհարմարվի ստեղծված իրավիճակին։
«Telegram-ը արգելափակվել է Ռուսաստանում, և այնուամենայնիվ, 65 միլիոն ռուսներ այն օգտագործում են ամեն օր VPN-ի միջոցով, որոնցից ավելի քան 50 միլիոնը ամեն օր հաղորդագրություններ են ուղարկում։ Կառավարությունը տարիներ շարունակ փորձում է արգելել նաև VPN-ը։
Նրանց արգելափակման ջանքերը հանգեցրին լայնածավալ բանկային ճգնաժամի. երեկ, կարճ ժամանակահատվածում, կանխիկը դարձավ միակ վճարման միջոցը ամբողջ երկրում», – գրել է Դուրովը։
Ձեռնարկատերը նշել է, որ Իրանը մի քանի տարի առաջ՝ 2018 թվականի ապրիլին, արգելափակել է Telegram-ը, և արդյունքը, նրա խոսքով, «նման էր Ռուսաստանում տեղի ունեցածին»։