Իրանին հաշված ժամե՞ր են մնում․ Հեգսեթի ճեպազրույցը հետաձգվել է
Tue, 07 Apr 2026 14:30:24 +0400
The Hill-ը հաղորդում է, որ ԱՄՆ զինված ուժերի շտաբների պետերի միացյալ կոմիտեի նախագահ, գեներալ Դեն Քեյնի և ԱՄՆ պատերազմի նախարար Փիթ Հեգսեթի ճեպազրույցը չեղարկվել է։
Այն նախատեսված էր երեքշաբթի՝ ապրիլի 7-ին, ժամը 8:00-ին։ Պենտագոնի կայքում այդ մասին տեղեկատվություն չկա։ Չեղարկման պատճառը չի նշվում։
Ավելի վաղ ԱՄՆ նախագահ Դոնալդ Թրամփը Իրանին վերջնագրի ներկայացման ժամկետը ապրիլի 6-ի Վաշինգտոնի ժամանակով ժամը 20:00-ից տեղափոխել էր ապրիլի 7-ի գիշերը։ Նա հաստատել է, որ այս ամսաթիվը համարվում է «վերջնական վերջնաժամկետ»։
Հիշեցնենք, ժամեր առաջ ԱՄՆ նախագահ Դոնալդ Թրամփը նաև հայտարարել էր որ եթե Թեհրանը չգնա գործարքի, Իրանը կարող է մի գիշերվա մեջ ոչնչացվել, և դա կարող է լինել հենց այս գիշեր։
Այսօր ավելի վաղ էլ հայտնի դարձավ, որ Իրանը 10 կետանոց ծրագիր է ներկայացրել՝ պատերազմը դադարեցնելու համար․ Իսլամական հանրապետությունն այն ԱՄՆ-ին է փոխանցել Պակիստանի միջնորդների միջոցով։