Պատրաստ եմ հանդիպել Պուտինին․ ո՞ր վայրն է նշել Զելենսկին
Thu, 09 Apr 2026 13:30:32 +0400
Ուկրաինայի նախագահ Վլադիմիր Զելենսկին կարծում է, որ Ռուսաստանի նախագահ Վլադիմիր Պուտինի հետ հանդիպումը կարող է տեղի ունենալ Միացյալ Նահանգներում կամ Մերձավոր Արևելքում։
«Ես պատրաստ եմ հանդիպել Պուտինի հետ։ Իհարկե՝ ոչ Մոսկվայում կամ Կիևում։ Սակայն կան շատ վայրեր, որտեղ մենք կարող ենք հանդիպել՝ Մերձավոր Արևելքում, Եվրոպայում, Միացյալ Նահանգներում», – ասել է նա իտալական RAI ռադիոկայանին տված հարցազրույցում։
Զելենսկին նաև հայտարարել է Միացյալ Նահանգների հետ բանակցությունների շարունակության մասին, որոնք կենտրոնացած էին Մերձավոր Արևելքի վրա։
«Այդ պատճառով, Ռուսաստանի հետ եռակողմ բանակցությունները հետաձգվել են, բայց կվերսկսվեն», – ասել է նա։