ԱՄՆ-ՆԱՏՕ ճգնաժամը խորանում է․ Թրամփն ուզում է «պատժել» որոշ երկրների

ԱՄՆ-ՆԱՏՕ ճգնաժամը խորանում է․ Թրամփն ուզում է «պատժել» որոշ երկրների

Thu, 09 Apr 2026 17:00:07 +0400


ԱՄՆ նախագահ Դոնալդ Թրամփի վարչակազմը քննարկում է Իրանի դեմ ռազմական գործողությանը չաջակցած ՆԱՏՕ-ի անդամ որոշ երկրներին «պատժելու» ծրագիր, այս մասին իրազեկ աղբյուրները տեղեկացրել են The Wall Street Journal-ին (WSJ):

Նրանց խոսքով՝ Վաշինգտոնը կարող է ամերիկյան զորքերը դուրս բերել այդ երկրներից և տեղափոխել այն երկրներ, որոնք ավելի շատ են աջակցում ԱՄՆ գործողությանը: Բացի զորքերի վերաբաշխումից, ծրագիրը ներառում է նաև առնվազն մեկ եվրոպական երկրում ԱՄՆ ռազմական բազաների փակում: Դա կարող է լինել Իսպանիան կամ Գերմանիան, նշել են WSJ-ի աղբյուրները:

Հրապարակման համաձայն՝ ծրագիրը քննարկվում է վերջին մի քանի շաբաթների ընթացքում և ստացել է Թրամփի վարչակազմի բարձրաստիճան անդամների աջակցությունը:

Ներկայում Եվրոպայում տեղակայված է մոտ 84,000 ամերիկացի զինվոր, իսկ տարածաշրջանում ԱՄՆ բազաները կարևոր են ռազմական գործողությունների համար, այդ թվում՝ Մերձավոր Արևելքում: Միևնույն ժամանակ, Արևելյան Եվրոպայի ռազմական ստորաբաժանումները «ծառայում են որպես զսպող գործոն» Ռուսաստանի համար: Եթե ծրագիրը կյանքի կոչվի, Լեհաստանը, Լիտվան, Ռումինիան և Հունաստանը, որոնց Վաշինգտոնը համարում է ԱՄՆ-ին ավելի շատ աջակցող, կարող են օգտվել ամերիկյան զորքերի վերաբաշխումից, նշել են WSJ-ի աղբյուրները: Միևնույն ժամանակ, հրատարակությունը գրում է, որ Ռուսաստանի սահմաններին ամերիկյան զորքերի թվի աճը «հավանաբար կգրգռի» Մոսկվային։

Գրել ենք, որ նախօրեին՝ ապրիլի 8-ին, Թրամփը հանդիպել է ՆԱՏՕ-ի գլխավոր քարտուղար Մարկ Ռյուտեի հետ, որից հետո քննադատել է դաշինքին։ «ՆԱՏՕ-ն այնտեղ չէր, երբ մենք դրա կարիքն ունեինք, և այնտեղ չի լինի, երբ մենք կրկին դրա կարիքն ունենանք», – գրել է Թրամփը իր Truth Social-ում։

Ռյուտեն, իր հերթին, պնդել է, որ եվրոպական երկրները «ձախողել են Թրամփի թեստը»՝ հրաժարվելով օգնել Իրանի դեմ պատերազմում. «Նա (Թրամփը) հստակ ասաց ինձ, թե ինչ է մտածում վերջին մի քանի շաբաթների ընթացքում տեղի ունեցածի մասին։ Սա շատ նրբերանգային պատկեր է»։

Ռյուտեն նաև հրաժարվել է մեկնաբանել, թե արդյո՞ք Թրամփը քննարկել է ՆԱՏՕ-ից դուրս գալու հարցը, բայց զրույցն անվանել է «շատ անկեղծ և բաց»։

Սպիտակ տունը դեռևս պաշտոնապես չի մեկնաբանել Թրամփ-Ռյուտե հանդիպումը։

© 2026 Secure News Portal

Source: Hraparak

Hraparak.am

Recent Posts

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց

Ընտրություններից հետո քաղաքական ընդդիմախոսների նկատմամբ հետապնդումները նոր թափ են ստանում․ զեկույց Fri, 20 Nov 2026…

11 րոպե ago

«Հրապարակ». Կարկտահարության վնասների չափերը 5 ամիս է՝ քննարկում են

«Հրապարակ». Կարկտահարության վնասների չափերը 5 ամիս է՝ քննարկում են Fri, 20 Nov 2026 11:45:01 +0400…

14 րոպե ago

Չէ՜, պարոն Փաշինյան, պատմությունը ձեզ այլ գնահատական է տալու

Չէ՜, պարոն Փաշինյան, պատմությունը ձեզ այլ գնահատական է տալու Fri, 20 Nov 2026 11:42:37 +0400…

17 րոպե ago

Մենք՝ արցախցիներս, իրավունք ունենք հարցնելու՝ ո՞ւր մնացին մեր երաժիշտները

Մենք՝ արցախցիներս, իրավունք ունենք հարցնելու՝ ո՞ւր մնացին մեր երաժիշտները Fri, 20 Nov 2026 11:33:29 +0400…

26 րոպե ago

Փաստաբան Հրայր Խաչատրյանի և Աննա Խաչատրյանի նկատմամբ ոտնձգություններ են տեղի ունեցել

Փաստաբան Հրայր Խաչատրյանի և Աննա Խաչատրյանի նկատմամբ ոտնձգություններ են տեղի ունեցել Fri, 20 Nov 2026…

34 րոպե ago

Հիմա թալանչի եք, թե չէ, եկեք, ասեք․ Ղազինյանը ՀԷՑ-ի մասով բացահայտումներ արեց

Հիմա թալանչի եք, թե չէ, եկեք, ասեք․ Ղազինյանը ՀԷՑ-ի մասով բացահայտումներ արեց Fri, 20 Nov…

38 րոպե ago