Ի՛սկը ժամանակին էր․ Պուտինը քրեականացնում է ցեղասպանության ժխտումը
Fri, 10 Apr 2026 17:15:27 +0400
Ի՛սկը ժամանակին էր ՌԴ նախագահ Վլադիմիր Պուտինի ստորագրած օրենքը, որով սահմանվում է քրեական պատասխանատվություն խորհրդային ժողովրդի ցեղասպանությունը ժխտելու կամ արդարացնելու համար, ինչպես նաև զոհերի հիշատակը վիրավորելու և նրանց գերեզմանները պղծելու համար։ Նախատեսվում է մինչև հինգ տարվա ազատազրկում։ Ժամանակին էր, որովհետև խորհրդային փոքր պետությունների համար այն հաճախ դիտարկվում է որպես քաղաքական ազդեցության և ճնշման գործիք։
Այս համատեքստում թեման առավել զգայուն է դառնում նաև Հայաստանի համար, հատկապես այն փուլերում, երբ Նիկոլ Փաշինյանի կողմից արված որոշ հայտարարություններ Հայոց ցեղասպանության ճանաչման և ձևակերպումների շուրջ տարբեր կերպ են մեկնաբանվում՝ հանրային և քաղաքական շրջանակներում։
Նման օրենքների գոյությունը միջազգային իրավաքաղաքական դաշտում ուժեղացնում է ցեղասպանությունների հիշողության պաշտպանության գաղափարը։ Հայաստանի համար սա լրացուցիչ հնարավորություն է՝ վերահաստատելու, որ ցեղասպանության ժխտումը ոչ միայն պատմական կամ բարոյական, այլ նաև իրավական և քաղաքական պատասխանատվության ենթակա երևույթ է։ Այդպիսի զարգացումները կարող են ձևավորել ավելի լայն միջազգային միջավայր, որը կարող է ծառայել Հայաստանի դիրքորոշման ամրապնդմանը։