Ովքեր են գումար փոխանցել Թրամփի Խաղաղության խորհրդին․ Հայաստանը ևս անդամ է
Sat, 11 Apr 2026 13:00:23 +0400
ԱՄՆ նախագահ Դոնալդ Թրամփի ստեղծած Խաղաղության խորհրդում ֆինանսական ներդրում են կատարել միայն ԱՄԷ-ն և Մարոկկոն։ Այս մասին գրում է «Reuters»-ը։
«Խաղաղության խորհրդի գործունեությանը քաջածանոթ աղբյուրներից մեկը հայտնել է, որ ֆինանսավորում խոստացած 10 երկրներից միայն 3-ն են ներդրում կատարել` Արաբական Միացյալ Էմիրությունները, Մարոկկոն և հենց ԱՄՆ-ն»,-գրում է գործակալությունը։
Փաստացի ֆինանսավորման ընդհանուր ծավալը դեռևս չի գերազանցում 1 միլիարդ դոլարը։ «Reuters»-ի զրուցակիցը նշել է, որ Իրանի շուրջ ստեղծված իրավիճակը բացասաբար է անդրադարձել գործընթացի վրա՝ խորացնելով գումարների ներգրավման հետ կապված արդեն իսկ առկա խնդիրները։
Հիշեցնենք` 2026 թվականի հունվարին 16-ին ԱՄՆ նախագահ Դոնալդ Թրամփը հայտնեց, որ Գազայի հատվածում տիրող իրավիճակը կարգավորելու համար Խաղաղության խորհուրդ կձևավորվի, և նա մի շարք պետությունների ղեկավարների (այդ թվում՝ Հայաստանի, Ադրբեջանի, Ռուսաստանի և Բելառուսի) հրավիրեց միանալ այդ նախաձեռնությանը: Խաղաղության խորհուրդը հիմնադրվեց հունվարի 22-ին Դավոսում։
Կանոնադրության ստորագրման արարողությանը մասնակցեցին նաև Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը։
Ավելի ուշ ԱՄՆ նախագահը հայտարարեց, թե Ադրբեջանը և ևս 8 երկիր ավելի քան 7 միլիարդ դոլար են փոխանցել նախագծի իրականացման համար։ Սակայն Բաքուն պաշտոնական արարողությունից կարճ ժամանակ անց հայտնեց, որ հրաժարվել է մասնակցել ֆինասավորմանը։