Ափսոս իմ հայրենիքը… Պիտի պատժվեն Արցախը հանձնողներն ու այն արդարացնողները
Sun, 12 Apr 2026 10:45:22 +0400
«Անհաղթահարելի ցավ է, տառապանք է հայրենիքի կորուստը։
Ափսոս իմ հայրենիքը…»,- նշել է Արցախի Հանրապետության ԱԺ «Արդարություն» խմբակցության պատգամավոր Մետաքսե Հակոբյանը։
Նա գրել է. «Ափսոս մեր հերոսապատումն ու այն կերտողները, որոնք կանգնեցին մինչև վերջ, որոնք չնահանջեցին, որոնք իրենց կյանքով պահեցին հայրենիքը, որը մենք այսօր չունենք, որովհետև անբարոները պարզապես որոշեցին այն վաճառել ու ուտել, ուտել ու անդադար ուտել։
Քաջերը զոհվեցին հավատալով, որ հայրենիքը պահվելու է, որ իրենցից հետո ապրողները արժանապատվորեն շարունակելու են իրենց գործը։
Պիտի պատժվեն Արցախը հանձնողները
Պիտի պատժվեն լռողները
Պիտի պատժվեն Արցախը հանձնողի ձեռքը երբևէ սեղմածները
Պիտի պատժվեն Արցախի հանձնումը արդարացնողները
Պիտի պատժվեն Արցախը մոռացության տվողները
Արցախը չի կարող դառնալ անցյալ։
Տղաների արյունը, նրանց հերոսապատումը պատմություն չէ՝ այն պարտք է, որը չի կարող վերածվել ձևական հիշատակումների»։