Սենսացիոն լուր. Իտալիան գուցե խաղա Աշխարհի առաջնությունում

Mon, 13 Apr 2026 17:13:52 +0400

ՖԻՖԱ-ն կարող է փոփոխություններ կատարել 2026 թվականի աշխարհի առաջնության նախապատրաստական փուլում։ Քննարկվում է լրացուցիչ ընտրական մրցափուլի անցկացումը, եթե Իրանի ազգային հավաքականը վերջնականապես հրաժարվի մասնակցությունից։

Մրցաշարի կանոններով՝ եթե որևէ հավաքական չի մասնակցում, վերջնական որոշումը կայացնում է ՖԻՖԱ-ն։ Այսինքն՝ կազմակերպությունը կարող է կամ փոխարինել այդ հավաքականին մեկ այլ հավաքականով, կամ կազմակերպել լրացուցիչ խաղեր։

Քննարկվում է տարբերակ, ըստ որի կարող է անցկացվել լրացուցիչ ընտրական հանդիպում Ասիայի ֆուտբոլի կոնֆեդերացիայի և ՈւԵՖԱ-ի թիմերի միջև։ Եթե այդպես լինի, նոր հնարավորություն կարող է ստանալ նաև Իտալիայի ազգային հավաքականը, որը , ինչպես հայտնի է, չի կարողացել դուրս գալ աշխարհի առաջնություն՝ պարտվելով Բոսնիա և Հերցեգովինայի ազգային հավաքականին։