65 տարեկանից բարձր անձանց անվճար ապահովագրության թեման վերջին շրջանում հաճախ է հայտնվում հանրային քննարկումների կիզակետում։ 65+ անձիք առավել խոցելի են, քանի որ շատերը քրոնիկակակն հիվանդություններ ունեն, դեղորայքային և հաճախակի բուժզննության անհրաժեշտություն։ Սակայն թոշակառուների համար դա ծանր հոգս է, չնայած հակառակը նույնպես հնարավոր է: Կառավարության նոր որոշմամբ այդ բոլոր հետազոտությունները, բուժումը անվճար է լինելու։ Նման նախաձեռնության նպատակն է նվազեցնել բժշկական ծառայություններից օգտվելու խոչընդոտները և ապահովել հանրության որակյալ բուժում։ Ինչ ծառայություններ են ներառելու բուժման մեջ․

Նեղ մասնագետի խորհրդատվություն՝ տարին 2 անգամ։
Սոնոգրաֆիկ, ռենտգեն, ՀՇ, ՄՌՏ, դուպլեքս հետազոտություն՝ տարին առավելագույնը 2 անգամ։
Կատարակտի վիրահատություն։
Լեղապարկի հեռացում։
Ճողվածքների վիրահատություն։
Կոտրվածքների վիրահատություն։
Սրտի ռիթմը կարգավորող սարքի տեղադրում։
Սրտի ստենտավորում (մինչև 3 ստենտ)։
Առիթմոլոգիական միջամտություններ։
Քարափշրում։
Հոդերի էնդոպրոթեզավորում։
Դեղորայք (տարեկան փոխհատուցման չափի սահմանափակումներով)։

Այս ցանկը ամիսներ առաջ ներկայացրել էր առողջապահության նախարար Անահիտ Ավանեսյանը՝ նշելով, որ սա ամբողջական ցանկը չէ։ Ոլորտի մի շարք մասնագետների խոսքով, այս ամենը կարող է կարճաժամկետ ազդեցություն ունենալ, այսինքն, այն կարող է առաջիկայում ընդհատվել, օրինակ՝ ընտրություններից հետո։ Քաղաքացիների շրջանում անվճար բուժզննման հետ կապված հիմնականում կարծիքը դրական է։ Մենք խոսեցինք Ա․Մալայանի անվան կլինիկայի ակնաբույժի հետ նա նշեց, որ հիվանդների թիվը առողջության պարտադիր ապահովագությունը մտցնելուց հետո կրկնապատկվել է։ «Եթե ամիսներ առաջ օրվա ընթացքում 10-ից ավելի հիվանդ էի ընդունում, ապա հիմա հաշվարկը կորցրել եմ»,- ծիծաղով պատասխանեց նա։ Այս ամենից կարելի է եզրակացնել, որ ծրագիրը հաջողված է եւ մարդիկ օգտվում են դրանից, պարզապես մտավախություն ունեն, որ այն ընտրություններից հետո շարունակություն չի ունենա։ Դա նշանակում է, որ հանրությունը վստահ չէ, կասկածներ ունի կառավարության հետեւողականության նկատմամբ։

Շուշան Սարիկյան