Առաջարկում են կարգավորել տնտեսական հարաբերությունները
Wed, 15 Apr 2026 18:00:55 +0400
Միացյալ Նահանգներն առաջարկում են Իրանին խոշոր գործարք կնքել, որը ենթադրում է երկկողմ տնտեսական հարաբերությունների կարգավորում։ Այս մասին հայտարարել է ԱՄՆ փոխնախագահ Ջեյ Դի Վենսը։ Վերջինս ասել է, որ նախագահ Թրամփը «փոքր գործարք» կնքել չի ուզում, այլ «վիթխարի» գործարք։ Այն, ինչ Թրամփն առաջարկում է Իրանին, ըստ Վենսի, շատ պարզ է։ Սակայն ամերիկյան եւ ոչ մի նախագահ նման առաջարկով հանդես գալու հնարավորություն չի ունեցել։ Թրամփը, ըստ Վենսի ասել է, որ եթե իրանական իշխանությունները որպես նորմալ երկրի իշխանություններ են պատրաստ հանդես գալ, ապա ամերիկացիներն էլ պատրաստ են նրանց հետ շփվել նաեւ տնտեսական առումով, որպես նորմալ երկրի։