Թրամփը՝ Լիբանան-Իսրայել բանակցությունների մասին, կարևոր օր է
Thu, 16 Apr 2026 10:00:17 +0400
Իսրայելի և Լիբանանի առաջնորդները ապրիլի 16-ին բանակցություններ կանցկացնեն: Այս մասին հայտարարել է ԱՄՆ նախագահ Դոնալդ Թրամփը:
«Փորձում ենք մի փոքր դադար ստեղծել Իսրայելի և Լիբանանի միջև։ Արդեն երկար ժամանակ է, ինչ երկու առաջնորդները խոսում են՝ մոտ 34 տարի։ Դա տեղի կունենա վաղը», – գրել Է Թրամփը Truth Social սոցցանցում։
Ապրիլի 14-ին ԱՄՆ պետքարտուղարությունում կայացել են լիբանանա-իսրայելական հակամարտության կարգավորման բանակցությունները: Ավելի վաղ Axios հարթակը հայտնել էր, որ Լիբանանն ամերիկյան միջնորդների միջոցով Իսրայելին խնդրել է դադարեցնել հարվածներն իր տարածքին ԱՄՆ-ի և Իրանի բանակցությունների նախօրեին:Դրանիցհետո Իսրայելի վարչապետ Բենյամին Նեթանյահուի մամուլի ծառայությունը հայտնել է, որ նա հանձնարարել է երկրի նախարարների կաբինետին ուղիղ բանակցություններ սկսել Լիբանանի հետ, որոնց նպատակն է լինելու «Հզբոլլահ» շիական շարժման զինաթափումը և երկու պետությունների միջև խաղաղության հաստատումը:
Իսրայելի և Լիբանանի միջև հակամարտության սրումը սկսվել է մարտի 2-ին՝ Իսրայելի և ԱՄՆ-ի կողմից Իրանին հասցված հարվածների ֆոնին: Մարտի 16-ից Իսրայելը ցամաքային գործողություն է իրականացնում Լիբանանի հարավում և հարվածներ է հասցնում լիբանանյան քաղաքներին, այդ թվում՝ մայրաքաղաքին: Իրանի և ԱՄՆ-ի միջև երկշաբաթյա հրադադարի հասնելու մասին հաղորդագրություններից հետո «Հզբոլլահ» շարժումը դադարեցրել է Իսրայելի դեմ գործողությունները, սակայն վերսկսել է դրանք Լիբանանի վրա իսրայելական զանգվածային հարվածներից հետո: