Սա արդեն ձեռագիր է
Thu, 16 Apr 2026 12:45:03 +0400
Գրել էինք, որ«Ուժեղ Հայաստան» կուսակցության ներկայացուցիչները հայտարարում են, որ վերջին զարգացումների շրջանակում արդեն մի քանի անձ է բերման ենթարկվել։ Կուսակցության մամուլի խոսնակ Մարիաննա Ղահրամանյանի փոխանցմամբ՝ ընդհանուր առմամբ 15 անձ է տարվել բաժին, իսկ մեկի նկատմամբ արդեն առաջադրվել է մեղադրանք։
Նրա խոսքով՝ ներկայացված մեղադրանքը կրկին նույն բնույթի է և վերաբերում է բարեգործական գործունեության սահմանափակումների ենթադրյալ խախտմանը։ Ղահրամանյանը պնդում է, որ նման մոտեցումը դարձել է համակարգված գործելաոճ։
Կուսակցության գնահատմամբ՝ իշխանությունները փորձում են ստեղծել այնպիսի տպավորություն, թե իրենց գործունեությունը դուրս է օրինական դաշտից և բարեգործության անվան տակ իրականացվում են այլ նպատակներ։ Սակայն, ըստ խոսնակի, այդ մեղադրանքները չեն համապատասխանում իրականությանը և նպատակ ունեն վարկաբեկել քաղաքական ուժին։
«Սա արդեն ձեռագիր է»,- նշել է նա: