Փաստաբանների աշխատանքը խոչընդոտվում է, դա մարդու իրավունքների խախտում է
Thu, 16 Apr 2026 13:36:25 +0400
«Ուժեղ Հայաստան» կուսակցության մամուլի քարտուղար Մարիաննա Ղահրամանյանը հայտարարել է, որ փաստաբանների գործունեության իրականացմանը խոչընդոտներ են առաջանում, ինչը, նրա խոսքով, մարդու իրավունքների կոպիտ խախտում է։
Նա լրագրողների հետ զրույցում նշել է, որ փաստաբանները փորձել են իրականացնել իրենց իրավական գործընթացները և մի քանի անգամ ահազանգել են ստեղծված իրավիճակի մասին։ Նրա խոսքով՝ միայն այդ քայլերից հետո է հնարավոր դարձել, որ որոշ փաստաբաններ մուտք ունենան իրենց պաշտպանյալների մոտ, մինչդեռ մյուսները դեռ երկար ժամանակ սպասում են։
Ղահրամանյանը նաև ընդգծել է, որ տեղի ունեցող գործընթացները պետք է ուշադրության արժանանան ՀՀ-ում ընտրական գործընթացներին հետևող միջազգային և տեղական կառույցների կողմից։