HPV թեստավորումը միայն ապահովագրվածների համար է
Thu, 16 Apr 2026 17:00:27 +0400
«Առողջության իրավունք» ՀԿ-ի նախագահ Անուշ Պողոսյանի ֆեյսբուքյան գրառումը․
«ՆՈՐ ԿԱՆՈՆ․ ԱՂՔԱՏ ԿՆՈՋ ՄՈՏ ՔԱՂՑԿԵՂԸ ՊԵՏՔ Է ՈՒՇ ՀԱՅՏՆԱԲԵՐՎԻ
Փաստորեն, ՀՀ առողջապահության նախարարությունը նոր «ստանդարտ» է սահմանել․ կանայք այլևս հավասար չեն կանխարգելման հարցում․․․
Մինչև հիմա արգանդի պարանոցի քաղցկեղի կանխարգելման հիմնական գործիքը՝ HPV թեստավորումը, կատարվում էր համապատասխան տարիքի բոլոր կանանց համար։
Որովհետև սա կյանք փրկող սկրինինգ է, ոչ թե «բոնուս ծառայություն»։
Ավելին՝ 2016 թվականից այդ սկրինինգը իրականացվում էր անվճար։
Բայց 2026-ի հունվարի 1-ից ամեն ինչ փոխվեց․
ներքին հանձնարարականով թեստավորումը դարձել է միայն ապահովագրվածների համար։
Թարգմանեմ պարզ լեզվով․
Ապահովագրված ես՝ գուցե քաղցկեղը կբացահայտվի շուտ
Չես՝ սպասիր, մինչև ուշ լինի․․․․
Սա ինչ է իրականում․
– Կանանց բաժանում «արժեքավորների» և «ավելորդների»
– Կանխարգելման վերացում՝ ամենախոցելի խմբերի համար
– Քաղցկեղի ռիսկի գիտակցված մեծացում՝ պետական մակարդակով։
Ամենացավալին՝
Սա արդեն առողջապահություն չէ։
Սա սառն հաշվարկ է՝ ով արժե կանխարգելման, ով՝ ոչ։
Իրական Հայաստանում կնոջ կյանքը կախված է ոչ թե բժշկական կարիքից, այլ՝ վճարունակությունից»։