«Վիճակը» լավ չէ
Fri, 17 Apr 2026 12:30:30 +0400
Հունգարիայի հեռացող վարչապետ Վիկտոր Օրբանը հայտարարել է իր «Ֆիդես» կուսակցության «լիակատար թարմացման» անհրաժեշտության մասին խորհրդարանական ընտրություններում կրած խոշոր պարտությունից հետո, որը վերջ դրեց նրա 16-ամյա իշխանության կառավարմանը։
Նա այս հայտարարությունը արել է Patriota YouTube ալիքում իր առաջին հետընտրական հարցազրույցում։
Օրբանը ստանձնել է կուսակցության ձախողման ամբողջական պատասխանատվությունը և հայտարարել, որ փորձում է «ինչ-որ կերպ վերականգնվել այս ցնցումից»։ Նրա խոսքով, «նախկինի պես» շարունակել գործելը անհնար է։
Հունգարիայի վարչապետն ասել է, որ նախնական արդյունքների հրապարակումից հետո «զգացել է ցավ և դատարկություն»։ «Կարծում եմ՝ կիրակի օրը ես միայն ցավ եմ զգացել, իսկ երկուշաբթի՝ դատարկություն։ Եվ այդ ժամանակվանից ի վեր ես վերականգնվում եմ էրգոթերապիայի միջոցով», – հավելել է քաղաքական գործիչը։