Ապրիլի 23-ին աշխատանքը կարող եք ավարտել մեկ ժամ շուտ
Sun, 19 Apr 2026 22:45:37 +0400
«Տոների և հիշատակի օրերի մասին» օրենքի 5-ին հոդվածի համաձայն` ապրիլի 24-ը Հայոց ցեղասպանության զոհերի հիշատակի օրն է, այն ոչ աշխատանքային է։
Աշխատանքային օրենսգրքի 147-րդ հոդվածի համաձայն, ոչ աշխատանքային` տոնական և հիշատակի օրերի նախօրյակին աշխատանքային օրվա տևողությունը կրճատվում է մեկ ժամով, բացառությամբ կրճատ և ոչ լրիվ աշխատանքային ժամանակի պայմաններով աշխատող աշխատողների:
Այսպիսով, բոլոր նրանք, ովքեր աշխատում են մեկ դրույքով, այսօր՝ ապրիլի 23-ին, աշխատանքը ավարտելու են մեկ ժամ շուտ: