Ինչ նիստ է եղել ԿԸՀ-ում
Wed, 22 Apr 2026 13:10:13 +0400
Այսօր «Ուժեղ Հայաստան» կուսակցությունների դաշինքը Կենտրոնական ընտրական հանձնաժողովին կներկայացնի իր ընտրական ցուցակները։ Այս մասին տեղեկացրել է դաշինքի անդամ Գոհար Մելոյանը։
Մելոյանը նաև նշել է, որ նույն օրը մասնակցել է Կենտրոնական ընտրական հանձնաժողովում անցկացված նիստին։ Նրա խոսքով՝ նիստի օրակարգում ընդգրկված հարցերից մեկը վերաբերում էր իրենց կողմից ներկայացված դիմումին՝ կապված օրենսդրական փոփոխության հետ, որով արգելվում է ընտրություններին մասնակցող ուժերին օգտագործել անձնանուններ։
Նա ընդգծել է, որ նպատակն էր ստանալ իրավակիրառողի դիրքորոշումը, որը, նրա գնահատմամբ, կանխատեսելի էր։