100-ավոր մարդիկ բուժօգնության են դիմել․ Ինչ է կատարվում Բյուրեղավանում

100-ավոր մարդիկ բուժօգնության են դիմել․ Ինչ է կատարվում Բյուրեղավանում

Wed, 22 Apr 2026 15:25:55 +0400


Երեկվանից Բյուրեղավանի քաղաքային պոլիկլինիկա են դիմել բազմաթիվ քաղաքացիներ՝ սրտխառնոցի, փսխման, փորլուծության և ջերմության բարձրացման գանգատներով։ Այս մասին «Հրապարակի» հետ զրույցում հայտնեց պոլիկլինիկայի տնօրեն Արմեն Բարդումյանը։

«Պոլիկլինիկան ունի նաև շտապ օգնության ծառայություն, մեկ մեքենա է ու երեկոյան ժամը 11-ից սկսած կանչեր ենք ունեցել։ Միայն երեկ նույն գանգատներով 30 կանչ է սպասարկվել, այսօր էլ առավոտվանից կանչերի մեջ է։ Բայց դեռևս շարունակվում են շտապ օգնության կանչերը։ Արդեն հոսպիտալացված հիվանդներ ունենք, որոնք գտնվում են «Աբովյան» ԲԿ-ում, սակայն հստակ թիվ չեմ կարող ասել, քանի որ շատերը իրենք են անձամբ գնացել տարբեր հիվանդանոցներ։ Մենք գիշերը ահազանգել ենք ՀՎԿԱԿ, Վեոլիա ջուր, համայնքապետարան, Առողջապահության նախարարություն։ Քանի որ համատարած է, մեծ հավանականությամբ ջրից կարող է լինել, իհարկե, դա հաստատված չէ, սպասում ենք նմուշառումների պատասխանին։ Միայն կարող եմ ասել` խոսքը հարյուրավոր մարդակց մասին է»,- նշեց նա։

Հարցին՝ ծանր ընթացքով դեպքեր և երեխաների շրջանում թունավորումներ կա՞ն՝ Բարդումյանը պատասխանեց․ «Եթե ստացիոնար ենք տանում, ուրեմն նա արդեն որոշակի խնդիրներ ունի, կամ էլ այն վիճակում է, որ պետք է շուտ օգնություն ցույց տալ։ Երեխաներ, բնականաբար, կան։ Հոսպիտալացվածներից երկուսը Արզնի գյուղից են, այսինքն, միայն Բյուրեղավան քաղաքի մասշտաբով չեն թունավորման դեպքերը»։

Առողջապահության նախարարությունից էլ մեզ հայտնեցին․ «Հիվանդությունների վերահսկման և կանխարգելման ազգային կենտրոնի մասնագետները անհապաղ իրականացրել են համաճարակաբանական հետազոտություն և նմուշառում, գործընթացն ընթացքի մեջ է, արդյունքներրը մի փոքր ուշ կլինեն։ Այս պահին «Աբովյան» ԲԿ-ում հոսպիտալացվել է 4 անձ, նրանց վիճակը գնահատվում է բավարար և միջին ծանրության։ Ծանր դեպքեր չկան»։

Նշենք, որ Բյուրեղավանի համայնքապետարանը հորդորում է քաղաքացիներին հնարավորինս խուսափել ջրի գործածումից կամ այն օգտագործել միայն եռացրած վիճակում։

© 2026 Secure News Portal

Source: Hraparak

Hraparak.am

Share
Published by
Hraparak.am

Recent Posts

CNN Türk-ը՝ Հայաստանի նոր սահմանադրության քննարկումների մասին

CNN Türk-ը՝ Հայաստանի նոր սահմանադրության քննարկումների մասին Sat, 21 Nov 2026 11:21:39 +0400 «CNN Türk»-ն…

9 րոպե ago

«Հրապարակ»․ Հայտնի բժիշկը՝ համայնքապետի թեկնածու

«Հրապարակ»․ Հայտնի բժիշկը՝ համայնքապետի թեկնածու Sat, 21 Nov 2026 11:15:42 +0400 Կոտայքի մարզի Նաիրի համայնքում…

15 րոպե ago

«Հրապարակ»․ Նույնիսկ կրթության նախարարն է իրեն անկիրթ պահում եւ դասեր տալիս դեսպանին

«Հրապարակ»․ Նույնիսկ կրթության նախարարն է իրեն անկիրթ պահում եւ դասեր տալիս դեսպանին Sat, 21 Nov…

46 րոպե ago

Թրամփն աշխարհի ամենահզոր երկրների թվում նշել է Ռուսաստանին

Թրամփն աշխարհի ամենահզոր երկրների թվում նշել է Ռուսաստանին Sat, 21 Nov 2026 10:38:29 +0400 Ռուսաստանը,…

52 րոպե ago

«Հրապարակ»․ Ցեմենտի գործարանը դարձյալ աճուրդի է դրվել

«Հրապարակ»․ Ցեմենտի գործարանը դարձյալ աճուրդի է դրվել Sat, 21 Nov 2026 10:30:52 +0400 Հրազդանի ցեմենտի…

60 րոպե ago

«Հրապարակ»․ Լրագրողները պետք է բոյկոտեն ու հարց չտան այդ մարդուն

«Հրապարակ»․ Լրագրողները պետք է բոյկոտեն ու հարց չտան այդ մարդուն Sat, 21 Nov 2026 10:15:13…

1 ժամ ago