Փորձում են արդարանալ
Wed, 22 Apr 2026 18:30:29 +0400
Եվրահանձնաժողովը փորձում է արդարանալ՝ ԵՀ նախագահ Ուրսուլա ֆոն դեր Լեյենի վիճահարույց հայտարարությունից հետո։ Այս մասին հայտնում է Bloomberg պարբերականը։ Հիշեցնեոնք, որ օրեր առաջ՝ ֆոն դեր Լեյենը հայտարարել էր, որ Եվրամիությունը պետք է ընդգրկի ողջ եվրոպական աշխարհամասը, որպեսզի նրա վրա չկարողանան ազդեցություն ունենալ ոչ Ռուսաստանը, ոչ Չինաստանը, ոչ Թուրքիան։ Անկարան հարցում էր ուղարկել Բրյուսել, պարզելու համար, թե որքանով ճիշտ են ԵՀ նախագահի խոսքերը, որոնք արտահայտված են մամուլում։
Ի պատասխան էլ, ինչպես եւ կարելի է սպասել, Բրյուսելից ասել են, որ խոսքերը կոնտեքստից կտրված են ներկայացվել։ Բրյուսելից նաեւ ասել են, որ Թուրքիայի հիշատակումը կապված է վերջինիս աշխարհաքաղաքական ազդեցության եւ ամբիցիաների հետ, որոնք կապված են Արեւմտյան Բալկանների հետ։