Ադրբեջանը Ստեփանակերտում քանդում է հայկական մշակույթը, Փաշինյանը զբաղված է «խաղաղության» պատմությամբ

Ադրբեջանը Ստեփանակերտում քանդում է հայկական մշակույթը, Փաշինյանը զբաղված է «խաղաղության» պատմությամբ

Wed, 22 Apr 2026 21:27:52 +0400


Ռուսաստանի հայերի միությունից անդրադարձել են Ադրբեջանի կողմից օկուպացված Արցախում հայկական քրիստոնեական ժառանգության ոչնչացման փաստին․

«Պատահական չէ, որ ապրիլի 24-ից առաջ, ադրբեջանցիները Ստեփանակերտում քանդում են երկու տաճար՝ Սուրբ Աստվածածնի բարեխոսության մայր տաճարը և Սուրբ Հակոբ եկեղեցին։

Հատկանշական է, որ ոչ Իլհամ Ալիևը, ոչ Ադրբեջանի մշակույթի նախարարը, ոչ էլ այս երկրի այլ իշխանական ներկայացուցիչները, Արցախում իրականացված էթնիկ զտումից հետո (որին նպաստել է նաև Հայաստանի իշխանությունների զիջողական դիրքորոշումը), չեն թաքցրել իրենց մտադրությունները՝ ոչնչացնելու կամ աղավաղելու և յուրացնելու հայկական քրիստոնեական և մշակութային-պատմական ժառանգությունը։ Ադրբեջանական ԶԼՄ-ներն էլ սկսել են նույնը պահանջել՝ կոչ անելով քանդել հայկական քրիստոնեական տաճարները։ Եվ երկար սպասել չպահանջվեց։

Ավելի վաղ՝ 2020 թվականի հոկտեմբերին, ինչպես նաև 2022 և 2023 թվականներին, Լեռնային Ղարաբաղի քրիստոնեական և մշակութային-պատմական օբյեկտների նկատմամբ կախված վտանգի կապակցությամբ, ՌՀՄ նախագահ Արա Աբրահամյանը դիմել էր ՅՈՒՆԵՍԿՕ-ի գլխավոր տնօրենին՝ խնդրելով ներգրավել կազմակերպությանը։ Դրանից հետո ՅՈՒՆԵՍԿՕ-ում հայտարարել էին, որ պատրաստ են փորձագետների խումբ ուղարկել Լեռնային Ղարաբաղ։ Սակայն դրան խոչընդոտել են Ադրբեջանի իշխանությունները։

Այս ֆոնին ի՞նչ է անում Նիկոլ Փաշինյանի կառավարությունը։ Այն զբաղված է նախընտրական բեմադրություններով և Հայ Առաքելական Սուրբ Եկեղեցու արժեզրկմամբ, հոգևորականության հետապնդմամբ։ Փաշինյանը խուսափում է Ստեփանակերտում ավերված հայկական տաճարների վերաբերյալ ուղիղ հարցերին պատասխանելուց՝ ըստ էության աջակցելով Ալիևին և նրան ազատություն տալով շարունակելու ցեղասպանական քաղաքականությունը՝ միաժամանակ հայերին շեղելով «խաղաղության դարաշրջանի» մասին պատմություններով։ Անհրաժեշտ է միասին՝ մի կողմ դնելով անձնականը, միավորվել և հունիսին Հայաստանում ընտրել այնպիսի իշխանություն, որը կկարողանա արժանապատվորեն պաշտպանել հայ ժողովրդի օրինական իրավունքները, ապահովել հայկական պետության և նրա քաղաքացիների անվտանգությունը»։

© 2026 Secure News Portal

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

1 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

1 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

2 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

2 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

2 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

2 ժամ ago