Անընդունելի է մեր ժողովրդի կամքը կոտրելու նրա ցանկացած դրսևորում
Fri, 24 Apr 2026 13:49:13 +0400
Ծիծեռնակաբերդի հուշահամալիր այցելության ընթացքում «ՀայաՔվե» նախաձեռնության համակարգող Ավետիք Չալաբյանը լրագրողների հետ զրույցում խիստ քննադատել է վարչապետ Նիկոլ Փաշինյանի հայտարարություններն ու ընդհանուր քաղաքական գործունեությունը։
Չալաբյանի խոսքով՝ վարչապետի կողմից հնչող ցանկացած խոսք իր համար ընդունելի չէ, քանի որ, ըստ նրա, դրանք ուղղված են ժողովրդի կամքի և ազգային դիմադրողականության թուլացմանը։ Նա նշել է, որ նման մոտեցումները վնասում են հասարակության ոգուն և պայքարի պատրաստակամությանը։
Նա նաև կարծիք է հայտնել, որ հասարակությունը պետք է գնահատի և արձագանքի այն ղեկավարին, ով, իր ձևակերպմամբ, փորձում է ազդել ժողովրդի ինքնության և դիմադրության ուժի վրա։ Չալաբյանը հավելել է, որ անհրաժեշտ է փոփոխություններ քաղաքական ղեկավարության մակարդակում։
«Անընդունելի է Նիկոլ Փաշինյանն իր էությամբ, ցանկացած խոսք, որ նրանից հնչում է անընդունելի է: Անընդունելի է մեր ժողովրդի կամքը կոտրելու նրա ցանկացած դրսևորում»,- նշել է նա: