Լոնդոնում Christie’s աճուրդային տունը վաճառքի կհանի եզակի պատմական արտեֆակտներ՝ 14-րդ դարի ոսկեպատ բաժակ, որը ստեղծվել է մամլյուք սուլթաններից մեկի համար եւ եզակի գորգ։ Բաժակը գնահատվում է 1,2-1,8 միլիոն ֆունտ։ Աճուրդը ամբողջովին նվիրված է լինելու հնդկական եւ մահմեդական արվեստին։ Այն տեղի կունենա ապրիլի 30-ին։ Բաժակն ամենայն հավանականությամբ սուլթանական պալատում ծառայել է որպես հանդիսավոր արարողությունների համար մրգերի կամ անուշեղենների մատուցարան։

Նմանատիպ երեք անոթ է պահպանվել աշխարհում, որոնք պահպանվում են Բրիտանական թանգարանում, Մետրոպոլիտեն թանգարանում եւ Օնտարիոյի Արքայական թանգարանում։ Գորգը 17-րդ դարի է՝ պարսական Սեֆյան արքայատան ժամանակների, որոնք օգտագործել են բրիտանական միապետներ Էդուարդ 7-րդն ու Ջորջ 5-րդը։ Այն օգտագործվել է նաեւ արքայադուստր Մերիի ամուսնության ժամանակ՝ 1922 թվականին։ Գնահատվում է 30-40 հազար ֆունտ։