Իսկապես չե՞ք տեսնում եկեղեցու նկատմամբ սանձազերծված գործընթացը
Wed, 29 Apr 2026 13:52:50 +0400
Ազգային ժողովում ընդդիմադիր պատգամավոր Լիլիթ Գալստյանը հարցադրումներով դիմել է Գլխավոր դատախազ Աննա Վարդապետյանին՝ անդրադառնալով Հայ Առաքելական եկեղեցու շուրջ վերջին զարգացումներին։
Պատգամավորը հետաքրքրվել է՝ արդյոք դատախազությունը չի տեսնում եկեղեցու նկատմամբ իրականացվող հակասահմանադրական գործընթացներն ու այն գործողությունները, որոնք նա բնութագրել է որպես արշավ եկեղեցու դեմ։ Գալստյանի խոսքով՝ այդ երևույթները ակնհայտ են և հասարակության ուշադրության կենտրոնում են։
Ի պատասխան՝ Աննա Վարդապետյանը նշել է, որ դատախազության գործառույթը ընդհանուր բնույթի ձևակերպումների գնահատումը չէ։ Նրա խոսքով՝ իրավական գնահատական կարող է տրվել միայն կոնկրետ դեպքերի և իրավական հիմքերի առկայության դեպքում։