Փաշինյանը փորձում է Ֆրանսիայի նախագահի միջոցով լցնել Գյումրու Վարդանանց հրապարակը
Thu, 30 Apr 2026 20:37:16 +0400
Այն, որ Ֆրանսիայի նախագահ Էմանուել Մակրոնը Գյումրի է այցելելու, այդ մասին մենք գրել էինք շաբաթներ առաջ՝ hraparak.am։
Փաշինյանը քիչ առաջ հայտարարություն արեց` ասելով, որ մայիսի 5-ի երեկոյան նա Ֆրանսիայի նախագահ Էմանուել Մակրոնի հետ մեկնելու է Գյումրի։ Ըստ օրակարգի՝ Վարդանանց հրապարակում նախատեսվում է մեծ համերգ՝ հայ և ֆրանսիացի աստղերի մասնակցությամբ։ Փաշինյանի հայտարարությանը հաջորդել են հետաքրքիր քննարկումներ։
Ուշագրավ է քաղաքացիներից ոմանց կարծիքը, որոնք նշում են, որ այս այցի հետևում քաղաքական հստակ ենթատեքստեր կան։ Օրինակ այն, որ Փաշինյանի հույսը Գյումրիում մնացել է Մակրոնը։ Քանի որ ընդամենը օրեր առաջ Գյումրին թմբուկ զարկող Փաշինյանին, ըստ էության, մերժեց, նրա համերգային նախաձեռնությունը չապահովվեց սպասված բազմամարդությունն ու ջերմությունը։
Հիմա, կարծես թե, փորձ է արվում օգտագործել Ֆրանսիայի նախագահի գործոնն ու հեղինակությունը։ Վարչապետը հույս ունի, որ Մակրոնի ներկայությունը կդառնա այն մագնիսը, որը թույլ կտա վերջապես լցնել Վարդանանց հրապարակը և ստանալ անհրաժեշտ կադրերը։
Շատերն են վստահ, որ գյումրեցիները հրապարակ այդ օրը կգնան, բայց ոչ թե Փաշինյանի, այլ բարեկամ երկրի ղեկավարին տեսնելու և որակյալ երաժշտություն լսելու համար։ Ամեն դեպքում, մայիսի 5-ի երեկոն Գյումրիում հետաքրքիր է լինելու։