Մեկ օրում չորս հետախուզվող է կալանավորվել
Thu, 30 Apr 2026 22:12:29 +0400
Համայնքային ոստիկանության Նոր Նորքի բաժնի ծառայողները օպերատիվ-հետախուզական միջոցառումների արդյունքում ապրիլի 29-ին Մյասնիկյան պողոտայի հասցեներից մեկում հայտնաբերել և բաժին են տեղափոխել 33-ամյա մի երիտասարդի, որը ապրիլի 20-ից հետախուզվում էր խուլիգանության մեղադրանքով․ խափանման միջոցը՝ կալանք։
Համայնքային ոստիկանության Վարդենիսի բաժնի ծառայողների ձեռնարկած միջոցառումների և բացատրական աշխատանքի արդյունքում ապրիլի 29-ին բաժին է ներկայացել Ջերմուկ քաղաքի բնակիչ 33-ամյա մի երիտասարդ, որը ապրիլի 23-ից Վարդենիսի բաժնի կողմից հետախուզվում էր զենք-զինամթերք ապօրինի ձեռք բերելու, կրելու, պահելու մեղադրանքով․ խափանման միջոցը՝ կալանք։
Համայնքային ոստիկանության Կենտրոնական բաժնի ծառայողները, իրացնելով օպերատիվ տեղեկությունները, ապրիլի 28-ին Եղվարդ քաղաքի Պարույր Սևակի փողոցի տներից մեկում հայտնաբերել և բաժին են տեղափոխել Վանաձոր քաղաքի բնակիչ 28-ամյա մի երիտասարդի, որը հետախուզվում էր խարդախության մեղադրանքով․ խափանման միջոցը՝ կալանք։
Քրեական ոստիկանության Տավուշի մարզային վարչության ծառայողները ձեռնարկած օպերատիվ-հետախուզական միջոցառումների արդյունքում ապրիլի 28-ին Դիլիջան քաղաքի Մյասնիկյան փողոցում հայտնաբերել և վարչություն են տեղափոխել 30-ամյա մի երիտասարդի, որը ապրիլի 22-ից ՌԴ-ում Ինտերպոլի ԱԿԲ-ի կողմից հետախուզվում էր թմրամիջոցների ապօրինի շրջանառության մեղադրանքով․խափանման միջոցը՝ կալանք։
Հայտնաբերման մասին հայտնվել է ՀՀ-ում Ինտերպոլի ԱԿԲ։