Սա ասում եմ, որ չասեն՝ Ծառուկյանն ընկել է փողոց-փողոց, որ ինքը դառնա վարչապետ
Fri, 01 May 2026 15:24:49 +0400
ԲՀԿ առաջնորդ Գագիկ Ծառուկյանը Նոր Նորք վարչական շրջանի բնակիչների հետ հանդիպման ընթացքում քննադատել է ներկայիս կադրային քաղաքականությունը՝ նշելով, որ կան մարդիկ, ովքեր մինչ այդ պետական համակարգում որևէ փորձ չեն ունեցել, սակայն այսօր զբաղեցնում են բարձր պաշտոններ, այդ թվում՝ նախարարի կարգավիճակով։
Նրա խոսքով՝ նման անձինք նախկինում չեն զբաղվել կազմակերպչական աշխատանքով և չեն ունեցել կառավարման փորձ, ինչը, ըստ նրա, խնդիրներ է ստեղծում պետական կառավարման արդյունավետության տեսանկյունից։
Ծառուկյանը նաև անդրադարձել է վարչապետի թեմային՝ ընդգծելով, որ ինքը նման հավակնություններ չունի։ Նա նշել է, որ չի ձգտում զբաղեցնել վարչապետի պաշտոնը և պատրաստ է հրաժարվել այդ հնարավորությունից՝ շեշտելով, որ երկրին անհրաժեշտ է ապագային միտված ղեկավար։ Նրա կարծիքով՝ չպետք է ստեղծվի այնպիսի տպավորություն, թե ինքը քաղաքական ակտիվություն է ցուցաբերում վարչապետ դառնալու նպատակով։
«Ես դաժե ասում եմ՝ վարչապետ չեմ ուզում, հրաժարվում եմ, պետք է լինի ապագայի վարչապետ, որ չասեն՝ Ծառուկյանն ընկել է փողոց-փողոց, որ ինքը դառնա վարչապետ»,- ասել է նա: